كادر المعلم
امبارح دخلت امتحانات كادر المعلم اللي الكل سمع عنها طبعاً الامتحان كان امتحان مش تقليدي امتحان جامد و طويل فيه حاجات التخصص سهلة و حاجات تربوي مش فاكرينها بس الحمد لله ربنا يستر و تبقى النتيجة كويسة بس نفسي اعرف ليه أجلوا نتيجة الامتحان لاكتوبر الجاي مع ان الاسكانر اللي هيصحح اوراق الاجابة بيصحح 3000 ورقة في الساعة يعني ممكن ينتهي التصحيح بسرعة و كمان ايه السر اننا دخلنا الامتحان من غير ما نعرف النهاية الصغرى للنجاح كام عموما اتمنى ان كل معلمي مصر ينجحوا و يتم تحسين أوضعنا بجد
و دي صور نموذج الاسئلة
Labels: كادر المعلم
posted by مدرسة سوادة الاعدادية المشتركة @ 03:24
3 Comments:
السلام عليكم ورحمة الله وبركاته
معلش وماتزعلش منى يامستر محمد
حأقولك اللى كل التلامذة بيقولوه
الحين فى بر مصر المحروسة بتاعتناعن الموضوع
ده و(مافيناش من زعل) انا بقولك اهوه!!
احسن! احسن! احسن!
جرب نار الانتظار
والقعدة على نار
علشان تعذرونا بعد كده
وتحنوا علينا بعد كده
وماتأخروش النتايج بتاعتنا
وتمنياتى بالنجاح والتوفيق لك
ولكل كل كل كل مدرسين مصر
ياااااااااااااااااااااااارب
ههههههههههههههه
يلا هنعمل ايه يا دكتورة بقينا مضحكه
و شكراً على مرورك
السلام عليكم ورحمة الله تعالى وبركاته
الف مبروك يامستر محمد على النجاح
ويارب دايمآ كده
والحمد لله ياسيدى
اديك نجحت علشان ما
حد من التلامذة ولا
أولياء الامور يفرح
فيك ابدا ابدا ابدا
Post a Comment
اترك تعليق
Subscribe to Post Comments [Atom]
<< Home