رمضان كريم

كل سنة و كل المسلمين بخير و صحة و سعادة ان شاء الله رمضان فلكياً الاثنين طبعاً رمضان شهر كريم و عظيم و جميل له ذكريات جميلة أوي من و انا صغير بيفكرني بالفوانيس لما كنا بنلف بيها في الشارع عندنا انا و اصدقائي مبسوطين مكانشي عندنا هموم و لا مسئوليات كنا بنلعب و نستنى لغاية لما نتفرج على المسحراتي و هو بينادي على الجيران و بيقول كلام جميل جدا ذكريات لا تنسى بجد ربنا يعود علينا الشهر المبارك ده بالخير و اليمن و البركات و ينصر اخونا المسلمين المستضعفين في فلسطين و العراق و في كل بقاع الارض امين يا رب العالمين

http://mpp-4.boomp3.com/enhkdS8yMDA4LzA4LzI2LzVob0ozcGR4I2MwY3kwdmhlbl9u.mp3

كادر المعلم

امبارح دخلت امتحانات كادر المعلم اللي الكل سمع عنها طبعاً الامتحان كان امتحان مش تقليدي امتحان جامد و طويل فيه حاجات التخصص سهلة و حاجات تربوي مش فاكرينها بس الحمد لله ربنا يستر و تبقى النتيجة كويسة بس نفسي اعرف ليه أجلوا نتيجة الامتحان لاكتوبر الجاي مع ان الاسكانر اللي هيصحح اوراق الاجابة بيصحح 3000 ورقة في الساعة يعني ممكن ينتهي التصحيح بسرعة و كمان ايه السر اننا دخلنا الامتحان من غير ما نعرف النهاية الصغرى للنجاح كام عموما اتمنى ان كل معلمي مصر ينجحوا و يتم تحسين أوضعنا بجد
و دي صور نموذج الاسئلة